Германия терма жамоаси бош мураббийи Йоахим Лёв немис футбол иттифоқи билан шартномасини 2022 йилгача узайтирди.
Шунингдек, жамоада мураббийнинг ёрдамчилари Томас Шнайдер ва дарвозабонлар мураббийи Андреас Кепке ҳам қоладиган бўлди – улар ҳам шартномани қайта имзолашди, деб хабар бермоқда ташкилот сайти.
Лёв Германия терма жамоасига 2006 йилдан бери устозлик қилмоқда. Бунга қадар у термада Юрген Клинсманнинг ёрдамчиси бўлган.
Мутахассис терма билан ЖЧ-2014, Конфедерациялар кубоги-2017да ғалаба қозонган, Европа чемпионатларида кумуш ва иккита бронзани ҳамда ЖЧ-2010да бронзани қўлга киритган.