КХДРдаги полигоннинг ёпилишига жанубий кореялик журналистлар қўйилмадилар

Шимолий Кореядаги полигоннинг ёпилишига учиб кетаётган журналистлар самолёт бортида жанубий кореялик ҳамкасбларини кўришмаган.

Даставвал Шимолий Кореядаги Пхунгери ядровий полигонининг ёпилишини 5 та давлат: Жанубий Корея, Хитой, АҚШ, Буюк Британия ва Россия журналистлари ёритишлари кўзда тутилган. Бироқ Шимолий Корея 22 май куни полигоннинг демонтаж қилинишига бориши керак бўлган жанубий кореялик журналистлар рўйхатини учинчи марта қабул қилишдан бош тортган.

“Биз охирги бўлиб рўйхатдан ўтдик. Ўйлашимча, улар рўйхатдан ўта олмаганлар”, деб айтган Хитойнинг “Синьхуа” ахборот агентлиги вакили. “Мен уларни кўрмаяпман. Кўринишича, улар Пекинда қолганлар”, деб айтган бошқа мухбир. 

Полигоннинг ёпилишига журналистларни олиб кетган самолёт ягона рейс бўлган. Умумий ҳисобда самолётда 20 га яқин журналист бўлган.

Шимолий Корея ядровий полигонни 23-25 май кунлари ёпишни режалаштирган. Полигонга кириш ва унинг атрофидаги барча объектларни тўлиқ йўқ қилиш кўзда тутилган.