«Барселона»нинг собиқ ярим ҳимоячиси Андрес Иньеста Япониянинг «Виссел Кобе» клуби аъзосига айланди.
26 май куни японлар клуби ўз стадионида ушбу 34 ёшли хавбекнинг тақдимот маросимини ўтказади.
«Виссел Кобе» хўжайини Хироси Микитани «Барселона»нинг титул ҳомийси ҳисобланмиш – Rakuten компанияси президенти ҳам ҳисобланади.
Бундан аввалроқ Иньеста «Виссел Кобе» билан 3 йиллик шартнома тузиши ва бу шартнома асосида жами 90 миллион доллар ишлаши ҳақида хабар берилганди.
