Роналду «Реал»ни тарк этмоқчи эканини жамоадошларидан яширмаган

Фото: AS

«Реал» ҳужумчиси Криштиану Роналдунинг Чемпионлар Лигаси финалидан ўрин олган «Ливерпуль»га (3:1) қарши ўйиндан сўнг, жамоани тарк этишга шама қилиши жамоадошлари учун янгилик бўлмаган, деб хабар беради Marca.

Португалиялик футболчи финалдан олдин ҳам клубни тарк этмоқчи эканини яширмаган. У жамоадошларига клубдаги вазият мураккаблашганидан нолиган. Аммо, Криштианунинг финалдан сўнг бу ҳақда гапириши, барча учун кутилмаган ҳол бўлган.

Айни пайтда, «Реал» раҳбарияти Роналду сўзларидан норози бўлса-да, хотиржамликни сақламоқда. Аммо, футболчилар фикрига кўра, Криштиану клуб таркибида сўнгги ўйинини ўтказиб бўлди.