Қўшимча функционаллар
-
Тунги кўриниш
Арманистон президенти: «Янги Арманистон» АҚШ билан муносабатларни мустаҳкамлайди
Фото: Арманистон давлати раҳбарининг матбуот хизмати
Арманистон президенти Армен Саркисян АҚШ давлат котиби Майк Помпео билан учрашди. Бу ҳақда Арманистон давлати раҳбарининг матбуот хизмати хабар бермоқда.
Учрашув 29 июнь куни Вашингтонда бўлиб ўтган.
«Президент Саркисян илиқ ва очиқ муҳитда Арманистон арман-америка ҳамкорлигини ривожлантиришга муҳим эътибор қаратаётганини таъкидлаб ўтди. У давлат котибига «янги Арманистон» Қўшма Штатлар билан муносабатларни мустаҳкамлашда давом этишини билдирди», - дейилади хабарда.
Армен Саркисян Вашингтонга тўрт кунлик амалий ташриф билан келди. Арманистон президенти Смитсон институтининг арман меросига бағишланган «Миллий ҳаёт» фестивалида иштирок этган. Шунингдек, Саркисян АҚШ конгрессида ва арман ҳамжамияти вакиллари билан қатор учрашувлар ўтказди.
