Тошкентда автобус дарахтга бориб урилди, 11 киши жароҳат олган

Бугун соат 14.35да Тошкент шаҳар ИИББ навбатчилик қисмига Белтепа –Аэропорт йўналиши бўйлаб ҳаракатланаётган 11-сонли автобус (3-автопаркка қарашли) иштирокида ЙТҲ содир бўлгани ҳақидаги хабар келиб тушди.

ИИББ хабарида қайд этилишича, «MAN» русумли автобус Бобур кўчасидан кетаётиб 1-сонли ФХДЁ олдидаги дарахтга бориб урилган. Оқибатда дарахт синиб «Кобальт» автомобилининг устига ағдарилган. Бахтли тасодиф туфайли бу вақтда унинг салонида ҳеч ким бўлмаган. Автобус ҳайдовчисининг сўзларига кўра эса, ЙТҲ вақтида автобус салонида 25-30 йўловчи бўлган. Қурбонлар йўқ.