«Барселона» ҳимоячиси «Эвертон»га ўтади

«Барселона» ҳимоячиси Йерри Мина «Эвертон»га ўтиш арафасида.

Sport.es манбаси хабарига кўра, клублар трансфер бўйича келишувга эришиб бўлишган, Минанинг трансфер қиймати 32 млн евро атрофида бўлади.

Ушбу 23 ёшли колумбиялик футболчи инглиз клуби билан 5 йиллик шартнома имзолайди.

Бундан аввалроқ ушбу ҳимоячига «Манчестер Юнайтед» ҳам жиддий қизиққанди, аммо охирги лаҳзаларда трансфер барбод бўлди.

Эслатиб ўтамиз, шу ёзда «Барселона»нинг яна бир ҳимоячиси Люка Динь «Эвертон» сафига келиб қўшилганди.