Рубль курси 2016 йилги энг паст кўрсаткичга тушиб кетди

Чоршанба куни кечқурун доллар ва евро курси ўсди, АҚШ валютаси рублга нисбатан 2016 йил ноябрда қайд этилган энг юқори кўрсаткични янгилади. Бунга АҚШ томонидан Россияга нисбатан янги санкцияларнинг жорий этилиши эҳтимоли ва нефть нархининг бир баррели 72 доллардан пасайиб кетгани сабаб бўлди.

Москва биржасида доллар курси 1,56 рублга ўсиб, 65,05 рублга етди ва евро 1,77 рублга ошиб, 75,42 рублга етди. Сал аввалроқ доллар 65,0925 рублгача етганди.

Нефть нархи 3,7%га арзонлашиб, бир баррели 71,88 долларни ташкил этди.

Ўтган ҳафтада республикачи ва демократлар гуруҳи АҚШ конгрессига "Америка хавфсизлигини Кремль агрессиядан ҳимоя қилиш" деб номланувчи қонун лойиҳасини кўриб чиқиш учун тақдим этди.

Ҳужжатда Россияга қарши янги санкциялар киритиш кўзда тутилган. 

Сенаторлар "Россиянинг АҚШдаги сайловларга аралашишга уриниши" ҳамда Сурия ва Украинадаги ҳаракатлари янги санкциялар учун асос бўлишини билдиришмоқда.