Ўзбекистон делегацияси Беларусга жўнаб кетди

2018 йилнинг 9-15 август кунлари Ўзбекистон делегацияси Беларусь Республикасида ташриф билан бўлади, деб хабар қилмоқда ТИВ ахборот хизмати.

Вазирлик ва идоралар, Қорақалпоғистон Вазирлар кенгаши, вилоятлар ва Тошкент шаҳри ҳокимликлари, корхона ва ташкилотлар раҳбарларидан таркиб топган Ўзбекистоннинг нуфузли делегацияси Минск шаҳри ва Беларуснинг бошқа минтақаларига ташриф буюради, саноат ва қишлоқ хўжалиги компанияларини бориб кўради, илғор технологияларга асосланган ишлаб чиқариш жараёни билан бевосита танишади.

Делегация ташрифидан кўзланган асосий мақсад – Ўзбекистон ва Беларус савдо-иқтисодий ҳамкорлигини кенгайтириш учун икки давлат ҳудудлари ўртасида тўғридан-тўғри алоқаларни ўрнатиш.