Калифорния штатининг Сан-Диего шаҳрида яшовчи оила тасодифан 30 минг АҚШ доллари қийматидаги бриллиант узук чиқиндига ташлаб юборди, бироқ коммунал хизматлар уни топишда ёрдам берди. Бу ҳақда UPI хабар қилди.
Уйнинг тозаланиши пайтида қимматбаҳо буюм чиқинди саватчасига тушиб қолган. Узук эгалари унинг йўқолганини пайқаб қолган вақтда, уни аллақачон умумий чиқиндихонага олиб кетиб бўлганди.
Оила шаҳар расмийларига мурожаат қилиб, ёрдам сўради. Ишчилар GPS ёзувлари орқали айнан қайси чиқинди машинаси уларнинг кварталига киргани ва у қаерда йўл олганини аниқлаш, сўнг саноқли дақиқалар ичида қимматбаҳо буюмни топиб беришди.
«Баъзан уларга ниманидир топиш учун уч-тўрт соат вақт керак бўлади. Баъзида у умуман топилмайди, - дея маълум қилди Сан-Диего маъмурияти вакили. - Тўрт дақиқа ичида 30 минг долларлик узукни топиб бериш - бу анча яхши натижа».
