Филиппинда муссон ёмғирларидан кейин чиқинди дарёлари юзага келди – суратлар

Филиппинда бир неча кун давом этган муссон ёмғирларидан кейин чиқинди инқирози юзага келди. Пойтахт Манила шаҳри ва унинг атрофидаги ҳудудларни қамраб олувчи агломерацияда чиқиндилар сув ҳавзаларида тўпланган. Ишчилар чиқинди насос станциясига етиб боргунга қадар дарё ва каналларни тозалашга ҳаракат қилишмоқда. Мамлакат президенти Фердинанд Маркос сув ҳавзалари ифлосланиши билан боғлиқ вазиятни ўта оғир деб атаган. У нотўғри утилизация муаммосини ҳал қилиш ва чиқиндилардан энергия ишлаб чиқариш дастурини жорий этиш зарурлигини яна бир бор таъкидлади. Қуйида Филиппинда нималар бўлаётгани акс этган суратлар.