Кремль: Путин ҳозирча АҚШнинг янги санкциялари бўйича кўрсатмалар бермади

Фото: РИА Новости / Алексей Никольский

Россия президенти Владимир Путин Қўшма Штатларнинг Россияга қарши янги санкциялари муносабати билан ҳозирча ҳеч қандай кўрсатмалар бермади. Бу ҳақда давлат раҳбари матбуот котиби Дмитрий Песков маълум қилди, дея хабар беради РИА «Новости».

Песковнинг таъкидлашича, санкциялар ҳали жорий қилинмаган ва чекловларнинг аниқ таркиби номаълум бўлиб турибди. Жавоб ҳақида гапиришга ҳали эрта.

Шу билан бирга, матбуот котибининг сўзларига кўра, санкцияларга жавоб ўзаро мослик принципига асосланади.

Эслатиб ўтамиз, аввалроқ Россияга қарши янги санкциялар АҚШга зарба бўлиб тушиши мумкинлиги айтилганди.