ОАВ: Зидан «Манчестер Юнайтед»ни бошқармоқчи

Фото: globallookpress

«Реал» клубининг собиқ бош мураббийи Зинедин Зидан келажакда АПЛ клубини бошқармоқчи эканини айтган.

L`Equipe нашри хабарига кўра, франциялик мутахассис «Манчестер Юнайтед» бош мураббийи бўлишни истаяпти.

Айни пайтда «қизил иблислар»ни Жозе Моуриньо бошқариб келмоқда. Унинг қўл остида жамоа 3та совринни, шу жумладан Европа Лигаси кубогини ҳам қўлга киритди.

2016 йил январидан 2018 йил июнигача «Реал» бош мураббийи бўлган Зидан жамоа билан қаторасига уч марта Чемпионлар Лигасида зафар қучди ва бир марта Испания чемпиони бўлди.