Сифати кафолатланмаган цитрус мевалар тўхтатиб қолинди

Наманган вилояти божхона бошқармаси Контрабанда ва божхона қонунчилиги бузилишига қарши курашиш бўлими ходимлари томонидан чегарадош ҳудудида ўтказилган тезкор тадбир давомида фош этилган яна бир божхона қоидабузарлигида республика ҳудудига сифати кафолатланмаган цитрус меваларнинг ноқонуний олиб кирилиши олди олинди. Бу ҳақда Давлат божхона қўмитаси ахборот хизмати хабар берди.

Фуқаро О.А. бошқарувидаги автомашина чегара олди ҳудудида тўхтатилиб, холислар иштирокида кўздан кечирилганида, автомашина юкхонасида хорижда етиштирилган, ҳеч қандай ҳужжатлари бўлмаган, муқаддам қўшни давлатдан ноқонуний равишда, айланма йўллар орқали олиб кирилган 4 тонна оғирликдаги киви, апельсин, ананас каби цитрус мевалар ортилганлиги аниқланди.