Хусусий субъектлар учун тижорат банкларида улуш миқдорларига белгиланган чеклов олиб ташланди

Марказий банк Бошқарувининг қарори билан Банкларни рўйхатга олиш ва улар фаолиятини лицензиялаш тартиби тўғрисида низомга ўзгартиришлар киритилди. 
 
Norma’нинг ёзишича, илгари бир акциядор ёки ўзаро боғлиқ акциядорлар гуруҳининг банк устав капиталидаги улуши (давлат улушидан ташқари) устав капитали умумий миқдорининг 25%идан ошиши мумкин эмас. Бу чет эл капитали иштирокидаги банклар ва хусусий банкларга татбиқ этилмас эди. Энди чеклов бутунлай олиб ташланди.
 
Чет эл капитали иштирокидаги банкларда чет эллик инвесторларнинг улуши камида 30%ини ташкил қилиши керак эди. Бу энг қуйи поғона 15%гача пасайтирилди.
 
Ҳужжат 15.09.2018 йилдан кучга кирди.