Шавкат Мирзиёев Маҳатма Ганди хотирасига ҳурмат бажо келтирди

Президент Шавкат Мирзиёев Нью-Деҳли шаҳридаги «Раж Гхат» ёдгорлигига ташриф буюрди, деб хабар бермоқда давлат раҳбари матбуот хизмати.

Президент Ҳиндистон халқининг миллий қаҳрамони Маҳатма Ганди хотирасига ёқилган мангу олов ёнига гулчамбар қўйди. Фахрий меҳмонлар китобига дастхат ёзиб қолдирди.

Эслатиб ўтамиз, аввалроқ Шавкат Мирзиёев Ўзбекистон ва Ҳиндистон муносабатларининг бугунги суръатига баҳо берганди.