Шавкат Мирзиёев Ҳиндистондан Тошкентга жўнаб кетди

Ўзбекистон Республикаси Президенти Шавкат Мирзиёев Ҳиндистон Республикаси Президенти Рам Натҳ Ковинднинг таклифига биноан 30 сентябрь-1 октябрь кунлари давлат ташрифи билан Ҳиндистонда бўлди. 

Шавкат Мирзиёев ташриф давомида Ҳиндистон Президенти, Вице-президенти, Бош вазири, ташқи ишлар вазири билан учрашувлар ўтказди. Музокаралар якунлари бўйича 20 та салмоқли ҳужжат имзоланди, истиқболли йўналишлар бўйича келишувларга эришилди. 

Президент ишонч билдирганидек, олий даражадаги музокаралар Ўзбекистон ва Ҳиндистон ўртасидаги ҳамкорликни амалий мазмун билан бойитиб, стратегик шерикликни янги босқичга олиб чиқди.

Шавкат Мирзиёев Ҳиндистонга давлат ташрифини якунлаб, Тошкентга жўнаб кетди.