Жанубий Корея президенти КХДР етакчисининг режаларини ошкор қилди

КХДР раҳбари Ким Чен Ин Россияга ташриф буюриш ниятида. Бу ҳақда «Рёнхап» хабар бермоқда.

Таъкидланишича, Жанубий Корея президенти Мун Чжэ Ин тегишли баёнот билан чиққан.

«АҚШ - КХДР иккинчи саммити билан бир қаторда, раис Ким Чен Иннинг Россия ва Хитойга сафар қилиши кутилмоқда», - деди Ин.

Унинг қўшимча қилишича, Хитой Халқ Республикаси раиси Си Цзиньпиннинг Шимолий Корея ҳудудига ҳам ташрифи режалаштирилган.

Эслатиб ўтамиз, аввалроқ Япония бош вазири Синдзо Абэ Шимолий Корея етакчиси Ким Чен Ин билан учрашиш ниятида эканини билдирганди.