Виктор Юшченко Донбассдаги можарони ҳал этиш бўйича уч томонлама алоқа гуруҳида Киевнинг вакили бўлиш учун курашда етакчи, деб ҳисобланмоқда. Бу ҳақда «Коммерсантъ» музокаралар жараёнига яқин манбаларга таяниб хабар тарқатди.
Газетанинг суҳбатдошларидан бирининг сўзларига кўра, «Украинанинг Россияга энг қарши бўлган президенти Минскда Украина делегациясига раҳбарлик қилиши мумкин ва бу Россия учун муаммо бўлади. Масалан, у рус тилида таржимонсиз гаплашмайди».
8 октябрь куни Юшченко Беларусь президенти Александр Лукашенко билан учрашди. Нашрнинг таъкидлашича, бу «танишув» бўлган, ундан кейин Минск унинг тайинлови билан норасмий равишда рози бўлиши керак.
Минскда Украина вакили бўлган Леонид Кучма ўз ваколатларини топширди. У Минск келишувларига имзо қўйган ва музокара жараёнида иштирок этган охирги шахс эди. Ҳужжатни ЕХҲТнинг Украинадаги элчиси Хайди Тальявини (2015 йил июнь ойида истеъфога чиқди), Россиянинг Украинадаги элчиси Михаил Зурабов (2016 йилнинг июлида лавозимидан бўшатилди), шунингдек, ўзини мустақил деб эълон қилган «Луганск халқ республикаси» ва «Донецк халқ республикаси» раҳбарлари Игорь Плотницкий (2017 йилнинг ноябрида истеъфога чиқди) ҳамда Александр Захарченко (2018 йил августида ҳалок бўлди) ҳам имзолади.
Эслатиб ўтамиз, аввалроқ Украинада «Москвага етиб борадиган» ракеталар ҳақида маълум қилишганди.
