Хизматдаги ЙПХ инспекторини “Дамас” уриб кетди

Иллюстратив фото

Сурхондарё вилоятининг Термиз шаҳрида кўнгилсиз ҳодиса юз берди. Бу ҳақда Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси хабар қилмоқда.

Маълум бўлишича, 11 октябрь куни Ангор туманида яшовчи Ф.К. бошқарувидаги “Дамас” русумли автомашинасини Р.Соатова кўчасида ҳайдаб кетаётиб, шу кўчада хизмат олиб бораётган йўл-патруль хизмати инспектори сафдор Я.М.ни уриб юборган.

Натижада йўл-патруль хизмати инспектори сафдор Я.М. жароҳат олиб касалхонага ётқизилган.

Суриштирувни прокуратура олиб бормоқда.

#Термиз #Сурхондарё #инспектор