Ўзбекистон термасининг Қатарга қарши ўйин учун бошланғич таркиби эълон қилинди

Бугун, 16 октябрь куни Ўзбекистон терма жамоаси Тошкентдаги «Миллий» стадионида Қатар термаси билан ўртоқлик учрашуви ўтказади. Ўйин соат 19:00да бошланади.

Айни пайтга келиб мезбонлар бош мураббийи Эктор Купер танлаган бошланғич таркиб маълум бўлди.

Купер 12 октябрь куни КХДРга қарши кечган ўйиндаги асосий таркибдан бу сафар фақат 4 футболчини қолдирган, улар – Аҳмедов, Шомуродов, Исмоилов, Кримец. Бугунги ўйин старт-листига кирган яна 4 нафар ўйинчи (Ҳамробеков, Сидиқов, Ғофуров, Алибоев) 4 кун олдинги баҳсда захирадан ўйинга қўшилган эди.

Ўртоқлик учрашуви
16 октябрь. Тошкент, «Миллий» стадиони
Ўзбекистон - Қатар
Ўзбекистон: 30. Ўткир Юсупов, 2. Акмал Шораҳмедов, 5. Анзур Исмоилов, 6. Ҳусниддин Ғофуров, 8. Икром Алибоев, 9. Одил Аҳмедов, 13. Олег Зотеев, 14. Илҳом Шомуродов, 15. Одил Ҳамробеков, 22. Жавоҳир Сидиқов, 31. Егорь Кримец.
Ҳакамлар: Чоримурод Қурбонов, Ахмет Бекназаров, Бердимамет Атдиев (барчаси - Туркманистон)
Тўртинчи ҳакам: Жасур Мухторов (Ўзбекистон)