Трамп Мексика билан чегарага қанча қўшин жўнатишини айтди

Фото: Jim Lo Scalzo/EPA-EFE

АҚШ президенти Дональд Трампнинг маълум қилишича, Қўшма Штатлар ва Мексика чегарасига мамлакатга ноқонуний мигрантларни киритмаслик учун етарли бўладиган миқдорда қўшин юборади. Президентнинг сўзлари USA Today томонидан келтирилган.

Трампдан Мексика билан чегарага қанча ҳарбий хизматчи юборилиши мумкинлиги ҳақида сўралганда, у «улар қанча керак бўлса, шунча бўлишини» таъкидлаб ўтди.

Шунингдек, унинг яна бир бор маълум қилишича, демократлар мигрантлар билан боғлиқ вазиятда айбдордир.

Эслатиб ўтамиз, аввалроқ Трамп АҚШга келаётган мигрантларга чақириқ билан чиққанди.

Дональд Трамп Марказий Америкадан келаётган мигрантларни Мексикага бошпана сўраб мурожаат қилишга чақирди.

#Мексика #мигрант #Дональд Трамп