MDC Nova Pro: Face Lock функциясига эга арзон 4G смартфон сотувга чиқди

Ўзбекистон бозорида ҳамёнбоп смартфонлари билан танилиб улгурган MDC компанияси яна бир замонавий арзон моделни сотувга чиқарди. Nova Pro деб номланган янги қурилма замонавий смартфон фойдаланувчиси учун керак бўлган деярли барча асосий функциялар билан жиҳозланган. У ҳозирда юртимиз электроника бозорларида 725 минг сўм атрофидаги нархда 1 йиллик расмий кафолат билан қора (Black Tornado) ва олтин (Mystery Gold) рангларида харидорларга таклиф қилинмоқда.

Смартфон дизайни соҳадаги сўнгги трендлар асосида ишлаб чиқилган. Дизайннинг бежиримлиги ишлатиш эргономикаси билан яхши уйғунлашган. Йирик экран ўрнатилганига қарамай, қўлда жуда қулай жойлашади. Унда кундалик фойдаланиш учун зарур бўладиган барча илова ва функциялар мавжуд.

MDC Nova Pro модели Android 8.1Oreo версиясида ишлайди, ундаги Face Lock функцияси билан экранни юз билан блокдан чиқариш мумкин. Бундан ташқари, бармоқ изи сканеридан фойдаланса бўлади.

Телефоннинг корпуси мустаҳкам металлдан ишланган,орқа панели кўзга ёқимли текстурага эга, чет қирралари ишлатиш осон бўлиши учун айлана шаклда. 18:9 нисбатдаги экраннинг катталиги 5.7 дюйм, HD+ аниқлигида (1440х720 пиксель, 320 dpi). Асосий камеранинг аниқлиги 8 МП (HDR, Auto Focus), селфи-камераники 5 МП, корпуснинг иккала томонидан LED-чақноқ кўзда тутилган. Бу эса яхши ёритилмаган шароитларда ҳам сифатли расмлар олишга ёрдам беради.

MDC Nova Pro ишлаш частотаси 1.3 ГГц бўлган тўрт ядроли Mediatek MTK6737 процессорида фаолият юритади. Тезкор хотира ҳажми 2 ГБ, ички хотираси 16 ГБ, шу билан бирга, қўшимча тарзда унга 128 гигабайтгача бўлган microSD-карта ўрнатиш мумкин. Ушбу девайс Ўзбекистондаги барча мобиль операторларнинг 4G тармоғини қўллаб-қувватлайди.

Смартфоннинг техник хусусиятлари:

Экран: 5.7 дюймлик, IPS (18:9, 1440х720 пиксель, 320 dpi);
Процессор: Mediatek MTK6737, Cortex-A53, 1.3 ГГц, 4 ядро;
Хотира: 2 ГБтезкор, 16 ГБички хотира (+128 ГБгача microSD қўйиш мумкин);
Камера: 8/5 МП, автофокус, HDR, Beauty, Panorama, иккита LED-чақноқ;
Тармоқ: 2G – GSM850/900/1800/1900MHz; 3G – WCDMA 900/2100MHz; 4G – FDD (1/3/5/7/8/20);
Алоқа интерфейслари: Wi-Fi 802.11n, Wi-Fi Direct, Bluetooth 4.0;
Аккумулятор: 3000 мА/с;
Ҳимоя: Бармоқ изи сканери; FaceLock;
Операцион тизим: Android 8.1 Oreo;
Ўлчамлари: 152х74х9.1 мм;
Вазни: 177 г.