«Олтин тўп»ни топшириш маросими Роналду, Месси ва Гризманн иштирокисиз ўтиши кутилмоқда

«Ювентус» ҳужумчиси Криштиану Роналду «Олтин тўп» совринини топшириш маросимига бормайди. Бу ҳақда италиялик журналист Алессандро Альчато ўз твиттер саҳифасида маълум қилган.

Альчатога аён бўлишича, Роналду овоз бериш натижаларига кўра иккинчи ўринни олганини билгани боис шундай қарорга келган.

Аввалроқ инсайдерлар мукофот «Реал» яримҳимоячиси Лука Модричга насиб этиши ҳақида маълум қилганди. Учинчи ўрин «Атлетико»нинг франциялик ҳужумчиси Антуан Гризманнга тегишли бўлиб, у ҳам катта эҳтимол билан маросимга ташриф буюрмаслиги кутилмоқда.

«Олтин тўп» соҳибини эълон қилиш тадбири 3 декабрь, душанба куни Парижда бўлиб ўтади.