Фото: Priyanka Parashar/Mint
Интерпол Ҳиндистондан қочиб кетган миллиардер Мехул Чоксини ҳибсга олиш тўғрисида ордер берди. У Панжоб миллий банкидан фирибгарлик йўли билан 2 миллиард доллардан ортиқ пулни ўзлаштирганликда гумонланмоқда. Бу ҳақда The Times of India газетаси хабар қилди.
Мехул Чокси ва унинг жияни Нирав Моди Ҳиндистон марказий қидирув бюроси томонидан қидирувга берилган.
Ҳиндистон тарихидаги бу энг йирик фирибгарлик иши ҳақида 2017 йил охирида маълум бўлганди. Шу йилнинг январида Чокси яқин қариндошлари билан Ҳиндистондан чиқиб кетган. Уларнинг қаерда эканликлари номаълум.
