Австралия бош вазири Ғарбий Ал-Қудс Исроил пойтахти деб тан олиниши ҳақида маълум қилди

Фото: Pixabay

Австралия ҳукумати Ғарбий Ал-Қудсни Исроил пойтахти сифатида расман тан олади, аммо Тель-Авивдан элчихонани ҳозирча кўчирмайди.

Бу ҳақда мамлакат бош вазири Скотт Моррисон маълум қилди.

«Ҳукумат Австралия Ғарбий Ал-Қудсни Исроил пойтахти сифатида тан олиши ҳақида қарор қабул қилди», - дея унинг сўзларини келтиради SBS.

Октябрь ойида Австралия Ал-Қудсни Исроил пойтахти сифатида тан олиш ва у ерга ўз элчихонасини кўчириш имкониятини ўрганиб чиқаётгани ҳақида хабар берилган эди.

Эслатиб ўтамиз, бундан аввал ОАВ Австралия Ал-Қудсни Исроил пойтахти деб тан олгани ҳақида хабар тарқатганди.

Тайёрлаган: Отабек Матназаров

#Исроил #Австралия #Ал-Қудс

6 декабрь куни АҚШ президенти Дональд Трамп Қуддуснинг Исроил пойтахти деб тан олди. У АҚШ Давлат департаментига Тель-Авивдаги элчихонани Қуддусга кўчиришга тайёргарлик кўришни бошлаш вазифасини топширди.