Металлургия саноатида нима янгиликлар?

Мамлакатимизда металл саноатига эътибор туфайли соҳада катта ютуқларга эришилмоқда. Бир вақтлар металл маҳсулотлари деярли четдан келтирилган бўлса, бугун тадбиркорлик ривожи, саноат тараққиёти билан ўзимизда ҳам замон талабларига мос маҳсулотлар ишлаб чиқариляпти.

Ўзбекистон Республикаси Президентининг «Ўзметкомбинат» АЖнинг бошқарув тизимини такомиллаштириш чора-тадбирлари тўғрисидаги қарорига асосан Ўзбекистон Республикаси Вазирлар Маҳкамасининг «Ўзметкомбинат» АЖни бошқариш самарадорлигини ошириш чора-тадбирлари тўғрисида»ги қарорига мувофиқ «Ўзметкомбинат» АЖнинг устав капиталидаги давлат улушини ишончли бошқаришга «SFI Management Group» МЧЖ ХК компанияси жалб қилингани бунинг исботидир.

Қарорга кўра қуйидагилар «Ўзметкомбинат» АЖнинг асосий вазифалари ва фаолият йўналишлари этиб ҳисобланди:

·     Ишлаб чиқаришни модернизация ва диверсификация қилиш бўйича ягона чуқур ўйланган техник сиёсатни амалга ошириш, замонавий энергия тежовчи технологиялар ва ускуналарни жорий этиш, шунингдек, жамиятнинг хомашё базасини кенгайтириш;

·     Ишлаб чиқаришнинг юқори ўсиш суръатларини таъминлашга йўналтирилган, жамиятнинг бошқарув тизимидаги таркибий ўзгаришларни амалга ошириш, шу жумладан, янги бозорларни эгаллаш ҳисобидан юқори қўшимча қийматга эга маҳсулотларни экспорт қилиш ҳажмларини ошириш, маҳсулотнинг таннархини тушириш бўйича мақсадга йўналтирилган ишларни тизимли асосда олиб бориш;

·     Хомашё базасини кенгайтириш, жумладан, тўғридан-тўғри хорижий инвестицияларни жалб этишни ҳисобга олган ҳолда лойиҳа-смета ҳужжатларини ишлаб чиқиш жараёнларининг самарадорлиги ва шаффофлигини оширган ҳолда янги юқори технологиялар қўлланилган ишлаб чиқаришларни қуриш, шунингдек, лойиҳани бошқаришнинг замонавий усулларини жорий этиш йўли орқали уларни кейинги босқичлардаги амалга оширилишини ташкиллаштириш;

·     Умумий тузилмани мақбуллаштириш ҳамда товарлар ва хизматлар импорти ҳажмини қисқартириш мақсадида металлургия маҳсулотлари, бутловчи буюмлар ва материаллар ишлаб чиқаришни маҳаллийлаштиришни кенгайтириш;

·     Олий ва ўрта махсус, касб-ҳунар таълими ва илмий муассасалар билан кооперацияни кучайтириш йўли орқали муҳандис-техник ва бошқарув кадрларнинг малакасини ошириш, уларни қайта тайёрлашни ташкил этиш;

·     Қаттиқ рақобат шароитларида жамиятнинг самарали ишлашини таъминлай оладиган, профессионализмнинг асосланган юқори даражаларига эришишда истеъдодли, ростгўй ва ватанпарвар ёш мутахассисларни жалб этиш бўйича мақсадга йўналтирилган ишларни олиб бориш орқали жамиятнинг кадрлар салоҳиятини мустаҳкамлаш каби бандлар белгилаб берилди.

«Ўзметкомбинат» АЖ «Қарши иккиламчи қора металл» МЧЖ ҳам мустақиллик йилларида ташкил этилган корхона. Бугунги кунда корхонада «Ўзметкомбинат» АЖ ҳамда унинг устав капиталидаги давлат улушини ишончли бошқариб келаётган«SFI Management Group» МЧЖ ХК компанияси ташаббуси билан қатор ишлар амалга оширилмоқда. Бундан бир неча йил илгари металл парчаларини қабул қилиш учун биргина участка мавжуд бўлиб, узоқ туманлардан ушбу маҳсулотни топширувчилар учун анча қийинчилик туғдирар эди.Ҳозирда эса корхона томонидан қора металл парчаларини топшириш учун янада қулай шарт-шароитлар яратиш мақсадида Қашқадарё вилоятининг Китоб, Ғузор, Муборак туманларида участкалар ташкил этилди. Бу эса ойлик қора металл парчаларини қабул қилиш ҳажмини қарийб 4 баробарга оширди.Қарши, Муборак, Китоб туманларида қора металл парчаларини зичловчи ускуналар ўрнатилди. Бунинг натижасида, металл юкланадиган вагонлар сони камайиб, юклаб жўнатиш ҳажми ошишига эришилди, қарийб 20 йилдан буён эскириб, таъмирталаб бўлиб қолган Қарши участкасидаги 2та ҳамда Китоб участкасидаги 1та махсус юкловчи кранлар жорий, Ғузор участкасидаги 1та кран эса капитал таъмирланди.

Бу ишлар натижаси ўлароқ, янги ишчи ўринлар яратилиб, ишчилар сони 1.5 йилда 65 тадан 120 нафарга етди. «Ўзметкомбинат»АЖ ҳамда унинг устав капиталидаги давлат улушини ишончли бошқариб келаётган «SFI Management Group» МЧЖ ХК компанияси томонидан ҳар томонлама ходимлар учун яратилган қулай шароитлар барчани мамнун этиб, кучига куч, ғайратига ғайрат қўшмоқда.Ишчи ходимлар учун мамлакатимиз бўйлаб туристик саёҳатлар уюштирилиши ва ойлик маошларнинг ошганлиги улар учун янги ишчи кийим-кечаклар, махсус ҳимоя воситалари берилгани ва ўз соҳалари бўйича малакаларини оширишлари учун кенг имкониятлар яратилгани уларни янада руҳлантирмоқда.

70 ўринли кўркам ошхона, ишчи ходимлар учун ювиниш хонаси замонавий таъмирланган. Автомобиллар учун тўхташ жойи, корхонанинг олд қисми қарийб 300 метр асфальт қилингани, ён деворлар кўтарилиб, жорий таъмир ишлари олиб борилгани, 1,5 км масофадан ичимлик суви тортиб келингани телефон ва интернет линиялари тортилгани, авваллари иш унумига салбий таъсир қилган механик тарозиларнинг электрон тарозиларга алмаштирилгани ҳамда вагон электрон тарозиси янгитдан ўрнатилганини келтиришимиз мумкин.

Жамият ҳудудида 2 та 10 сотихдан иборат иссиқхоналар ташкил этилиб, ҳозирда ушбу иссиқхоналарда етиштирилган помидор маҳсулотларини халқимиз дастурхонига етказиш мақсади кўзланган.

Ўзбекистон Республикаси Президентининг2017 йил 18 декабрдаги «2018 йилда темир-терсак тайёрлаш, қора металлар прокати ишлаб чиқиш ва истеъмол қилиш чора-тадбирлари тўғрисида»ги қарори ижросини таъминлаш мақсадида «Иккиламчи қора металлар» бошқармаси томонидан «Ўзметкомбинат» АЖ билан келишган ҳолда 2018 йил давомида 70000 тонна (2017 йилда 45000 тн) иккиламчи қора металлар топшириш режаси белгилаб берилган бўлиб, 2018 йилнинг 1 декабрь ҳолатига кўра ушбу режа кўрсаткичи 67296,65 тоннага ёки белгиланган режани 96% бажаришга эришилди. Қабул қилинган қора металл парчалари жами 1480 та вагонларга юкланиб, «Ўзметкомбинат» АЖ га жўнатилган.

Бундан кўриниб турибдики, «Ўзметкомбинат» АЖнинг устав капиталидаги давлат улушини ишончли бошқаришга «SFI Management Group» МЧЖ ХК компанияси жалб қилингани, уларнинг оқилона бошқаруви ҳамда жамоа, ишчи ходимларнинг фидокорона меҳнатлари натижасида иш самараси тубдан янгича босқичга кўтарилди ва катта ютуқларни қўлга киритиб келмоқда.

«Қарши иккиламчи қора металл» МЧЖ

Реклама ҳуқуқи асосида