Тошкентнинг «Бунёдкор» футбол клуби раҳбариятида ўзгаришлар амалга оширилди. Бу ҳақда клуб матбуот хизмати хабар қилган.
Маълум қилинишича, 2017 йил майидан буён «Бунёдкор» ФК бош директори сифатида фаолият юритиб келган Мурод Боқиевич Алиев ўз хоҳишига кўра, лавозимидан озод этилган.
Эндиликда клубга Улуғбек Абдусатторович Мирзаев бош директор вазифасини бажарувчи этиб тайинланган.
Улуғбек Мирзаев бугунги кунга қадар «Бунёдкор» клуби спорт директори сифатида фаолият юритиб келаётганди.
