Фото: АКИpress
Жорий йилнинг 11 январь куни Қирғизистон ташқи ишлар вазири Чингиз Айдарбеков Ўзбекистон Республикаси биринчи президенти Ислом Каримов музейига ташриф буюрди.
Қирғизистон Ташқи ишлар вазирлиги маълумотларига кўра, делегация Ўзбекистон биринчи президентининг рафиқаси Татьяна Каримова билан учрашган. У делегацияга Ислом Каримовнинг 80 йиллиги ва Чингиз Айтматовнинг 90 йиллиги муносабати билан ташкил этилган кўргазма ҳақида батафсил маълумот берган.
Қирғизистон ташқи ишлар вазири Чингиз Айдарбеков Ўзбекистон биринчи президенти музейининг меҳмонлар китобида ёзув қолдирди.
Эслатиб ўтамиз, аввалроқ Тошкентда Ўзбекистон ва Қирғизистон ташқи ишлар вазирларининг учрашуви бўлиб ўтганди.
