Фото: Flickr/TechCrunch
Келгуси ҳафтада Павел Дуровнинг TON (Telegram Open Network) деб номланган криптовалюта лойиҳаси тақдимоти бўлиб ўтиши мумкин. Тақдимот Давосдаги жаҳон иқтисодий форумида ўтказилиши режалаштирилмоқда, деб хабар берди "Дуров коди" нашри.
Нашрнинг хабар беришича, тадбиркор мазкур форумда тақдимот ўтказиш орқали TON лойиҳасига эътиборни кўпроқ жалб этишни мўлжаллаган.
Аноним манбаларнинг маълум қилишича, лойиҳанинг синов талқини айрим инвесторларга берилган бўлиши мумкин, якуний талқини эса йилнинг иккинчи ярмида чиқади.
17 январь куни Дуров ўзининг Telegram каналида 2018 йил лойиҳа учун мураккаб, лекин муваффақиятли бўлганини ёзганди.
