Сурия Исроилга таҳдид қилди

Фото: GLOBAL LOOK PRESS

Суриянинг БМТдаги доимий вакили Башар ал-Жаъфарий сўзларига қараганда, Дамашқ Тель-Авив аэропортига зарба бериш билан Исроил ҳужумларига жавоб қайтариши мумкин. Бу ҳақда РИА «Новости» хабар қилмоқда.

Унинг сўзларига кўра, Дамашқ Исроилнинг Сурияга зарбалари муносабати билан БМТ Хавфсизлик кенгаши томонидан тегишли чоралар кўрилмаса, шундай қадамга бориши мумкин.

Шунингдек, унинг қўшимча қилишича, Исроил Сурия ҳудудига «мунтазам равишда ҳужум» қилмоқда.

Эслатиб ўтамиз, аввалроқ Исроил Суриядаги Эрон нишонларига зарбалар бераётгани хабар қилинганди.