ОАВ: ИШИД Сурияни қанча вақт ичида қайта эгаллаб олиши мумкинлиги ҳисоблаб чиқилди

Фото: REUTERS/Rodi Said

Пентагондагиларнинг фикрича, ИШИД террорчилик гуруҳи жангарилари Сурияни бир йилдан камроқ муддат ичида қайтариб олишлари мумкин. Бу ҳақда NBC Америка ҳарбий маҳкамасининг ҳисоботига асосан хабар бермоқда.

Пентагондагилар фикрича, агар гуруҳ ҳарбий босимларга дуч келмаса, ИШИД олти ойдан 12 ойгача бўлган муддат ичида Сурия устидан назоратни ўзига қайтариб олиши мумкин. Шунингдек, маҳкамадан таъкидлашларича, ИШИД жангарилари «халифаликни жисмоний шаклда тиклашга» ҳаракат қилишмоқда.

Пентагоннинг ҳисоботи келгуси ҳафта эълон қилиниши кутилмоқда.

Эслатиб ўтамиз, аввалроқ Сурияда ИШИД жангарилари қўлга олингани, улар орасида Ўзбекистон фуқаролари ҳам бор экани хабар қилинганди.

#ИШИД #Сурия #Пентагон

Сурияда 2011 йилда бошланган фуқаролар уруши мамлакатни бир неча қисмларга бўлиб ташлаган. Сурия ҳукумати, ИШИД, курдлар ва бошқа турли жангари гуруҳлар ўртасидаги қуролли тўқнашувлар ҳамон давом этмоқда.