Ўзбекистон ва Қозоғистон чегара масаласида музокаралар ўтказди
2019 йилнинг 27 январидан 1 февралига қадар Тошкент шаҳрида Ўзбекистон-Қозоғистон Давлат чегарасини демаркация қилиш бўйича Ўзбекистон Республикаси ва Қозоғистон Республикаси Ҳукумат делегацияларининг музокаралари бўлиб ўтди.
ТИВ хабарига кўра, учрашув чоғида давлатлараро чегарани демаркация қилиш бўйича якуний ҳужжатларни тайёрлаш давом эттирилган ҳамда 2019 йил учун дала демаркация ишлари ҳажми режалаштирилган.
Музокаралар икки давлат учун ҳам анъанавий бўлган дўстлик ва ҳамфикрлилик руҳида бўлиб ўтди. Йиғилиш сўнгида тегишли Баённома имзоланди, дейилади хабарда.
Эслатиб ўтамиз, аввалроқ Ўзбекистон ва Тожикистон давлат чегараси демаркациясини якунлаётгани хабар берилганди.
Мавзуга оид
16:07 / 19.09.2024
Қозоғистон 2022 йилдан бери 2,3 млрд долларлик активларни давлат ҳисобига қайтарди
12:30 / 17.09.2024
Шолц Қозоғистонда ҳамкорликни кучайтириш режалари ҳақида маълум қилди
18:55 / 16.09.2024
Шавкат Мирзиёев «Марказий Осиё – Германия» саммитида иштирок этади
14:40 / 16.09.2024