Тошкентда кўчаларда сув тошиши билан боғлиқ ҳолатларга қарши чоралар кўриш бошланди

Тошкент шаҳар ҳокимлиги кўчаларда сув тошиши билан боғлиқ воқеаларга қарши чоралар кўришни бошлади. Бу ҳақда пойтахт ҳокимлиги матбуот хизмати хабар қилмоқда.

«Ёғингарчилик мавсумида Тошкент шаҳрининг айрим кўчаларида сув тошиши билан боғлиқ кўнгилсиз ҳолатларни бартараф этиш мақсадида, ирригация тармоқларини таъмирлаш ишлари амалга оширилиши режалаштирилган», - дейилади ҳокимлик хабарида.

Шу муносабат билан, 1-3 февраль кунлари Шайхонтоҳур тумани «Қоратош» ва «Самарқанд дарвоза» кўчалари кесишмаси яқинида («Корзинка» супермаркети олдида) таъмирлаш ишлари амалга оширилиши маълум қилинди.

Пойтахт маъмурияти вақтинчалик ноқулайлик учун узр сўраган.