Бразилиядаги авиаҳалокатда таниқли журналист ҳалок бўлди

Фото: AFP 2019 / NELSON ALMEIDA

11 февралда Бразилиянинг Сан-Паулу шаҳрида мамлакатдаги таниқли журналист ва бошловчи Рикардо Боехат авиаҳалокат оқибатида ҳаётдан кўз юмди.

Globo каналининг маълум қилишича, 66 ёшли бошловчи шаҳар чеккасидаги шоссега қулаган кичик вертолёт бортида бўлган. Вертолёт қулаши вақтида шоссе бўйлаб кетаётган юк машинасига тегиб кетган. Воқеа жойида ёнғин бошланган. Боехат билан бирга учувчи ҳам ҳалок бўлган.

Боехат Jornal da Band теледастури ва BandNews FM радиосида бошловчи, IstoE журналида шарҳловчи бўлган. У шунингдек O Globo, O Dia, O Estado de Sao Paulo, Jornal de Brasil газеталарида ишлаган. 1990-йилларда Globo телеканалида кўрсатув олиб борган.