Жанубий Корея Гуайдони Венесуэланинг вақтинчалик президенти деб тан олди

Фото: Noticias ao Minuto

Жанубий Корея Венесуэла миллий ассамблеяси спикери Хуан Гуайдони Венесуэланинг вақтинчалик раҳбари деб тан олади ва зудлик билан президент сайлови ўтказишга чақиради, деб баёнот берди Корея Республикаси ташқи ишлар вазирлиги.

Вазирлик "президент вазифасини бажараётган Гуайдо бошчилигида қисқа муддат ичида демократик, шаффоф ва ишончга муносиб бўлган президент сайлови ўтказилишини талаб қилиши"ни таъкидлаган.

Хуан Гуайдо 23 январь куни ўзини Венесуэланинг вақтинчалик президенти деб эълон қилди. АҚШ ва 20дан ортиқ Европа давлатлари уни мамлакат раҳбари деб тан олди. Россия, Хитой ва яна бир нечта давлат Николас Мадурони мамлакатнинг қонуний президенти сифатида қўллаб-қувватламоқда.

Аввалроқ АҚШ президентининг миллий хавфсизлик бўйича маслаҳатчиси Жон Болтон агарда Венесуэла ҳарбийлари “демократия тарафига ўтмаса” мамлакат янги санкцияларга дуч келиши мумкинлигини билдирганди.

Тайёрлаган Дилшод Аскаров

#Жанубий Корея #Гуайдо

Венесуэла президент Николас Мадурога қарши оммавий норозилик намойишлари гирдобида қолди. 23 январь куни, ушбу намойишлар авжига чиққан вақтда Венесуэла парламенти раҳбари Хуан Гуайдо ўзини мамлакатнинг муваққат президенти деб эълон қилди