Ўзбекистон ташқи ишлар вазири Абдулазиз Комилов амалий ташриф билан Катар давлатида бўлади. Бу ҳақда ТИВ ахборот хизмати хабар берди.
Хабарда айтилишича, ташриф 3-5-март кунлари амалга оширилади.
“Келишувга мувофиқ, Доҳа шаҳрида Ўзбекистон-Катар музокаралари бўлиб ўтади”, дейилади хабарда.
Қайд этилишича, музокараларда икки томонлама муносабатларнинг қатор масалалари, ўзаро алоқаларни ривожлантириш истиқболлари, шунингдек, долзарб халқаро ва минтақавий муаммолар муҳокама қилинади.
Аввалроқ Абдулазиз Комилов Абу-Даби шаҳрида Туркий тилли давлатлар ҳамкорлик кенгашининг (Туркий кенгаш) бош котиби Боғдод Амреев билан учрашгани хабар қилинганди.
