Спорт феcтивали икки босқичда ўтказилди. 1-босқич (27 февраль – 1 март) ҳудудларда ўтказилиб, ғолиб деб топилган иштирокчилар 2-босқич – Республика босқичи (1-2 март)да беллашишади.
Хотин-қизлар қўмитаси матбуот хизматидан Kun.uz'га хабар берилишича, 3 март куни Тошкент шаҳрининг “Ўзбекистон” спорт мажмуасида спорт фестивалининг умумжамоа ҳисобида ғолиб деб топилган жамоаларнинг тақдирлаш маросими бўлиб ўтди. Унга кўра, Тошкент шаҳри 1-ўрин, Қорақалпоғистон Республикаси 2-ўрин ва Қашқадарё вилояти 3-ўринни қўлга киритди.
Спорт фестивали давомида таниқли санъаткорлар иштирокида концерт дастури намойиш этилди. Тадбирнинг фахрий меҳмони сифатида иштирок этган икки карра Олимпиада чемпиони, россиялик спортчи Елена Исинбаева фестиваль иштирокчиларини байрам ва қўлга киритган ютуқлари билан табриклади.
