Венесуэла Америка давлатлари ташкилотидан чиқишини эълон қилди

Фото: EPA

Венесуэла ҳукумати мамлакатнинг Америка давлатлари ташкилоти (АДТ) таркибидан чиқишини эълон қилди. Бу ҳақда мамлакат ташқи ишлар вазирлиги баёнотида айтилган.

Маълум қилинишича, бу ҳолат 27 апрелда юз беради. Ташқи ишлар вазирлигида Венесуэла “АҚШ маъмуриятининг ҳукмрон ва империяча манфаатлари олдида тиз чўкувчи” ташкилотда қола олмаслиги таъкидлаб ўтилган.

2017 йил апрелда Венесуэла ташқи ишлар вазири Делси Родригес мамлакат АДТдан чиқишга қарор қилганини маълум қилган. 2018 йил июнда АДТ Венесуэланинг ташкилотдаги аъзолигини тўхтатишни бошлашга ижозат берувчи резолюцияни қабул қилган.

#Венесуэла #Америка

Венесуэла президент Николас Мадурога қарши оммавий норозилик намойишлари гирдобида қолди. 23 январь куни, ушбу намойишлар авжига чиққан вақтда Венесуэла парламенти раҳбари Хуан Гуайдо ўзини мамлакатнинг муваққат президенти деб эълон қилди