Tesla компанияси Шанхайдаги ер ости автотураргоҳларидан бирида ўз машинасининг портлаши тафсилотларини аниқлаш учун Хитойга ўз мутахассисларини жўнатди.
Weibo ижтимоий тармоғида 21 апрелда автотураргоҳда турган машинанинг портлаши видеоси жойлаштирилган. Видеода машина тагидан оқ тутун чиқаётгани ва бир неча сониядан кейин у портлаб кетгани ҳамда ёнида турган машинага шикаст етказганини кўриш мумкин.
Видео муаллифининг таъкидлашича, портлаган машина биринчи авлоддаги Tesla Model S бўлган.
Good or bad, negative or positive I will post anything about Tesla or EVs in China. This happened today in Shanghai, China 🇨🇳 1st generation Tesla Model S caught Fire 🔥 underground car park.#Tesla #TeslaChina #ModelS #Fire #China #Shanghai #特斯拉 #中国 $TSLA pic.twitter.com/HOwMcvulV1
— Jay in Shanghai (@ShanghaiJayin) April 21, 2019
“Шанхайдаги воқеа ҳақида маълумот олганимиздан кейин воқеа жойига жамоамизни юбордик”, дейилган компаниянинг Weibo’даги расмий саҳифасида.
Компаниянинг хабар қилишича, айни вақтда тегишли идоралар билан алоқа ўрнатилмоқда ва воқеа тафсилотларини ўрнатишда кўмак кўрсатилмоқда.
“Маълумотларга кўра, воқеа оқибатида ҳеч ким жабрланмаган”, дейилган хабарда.
