Андижонда Муҳаммад Юсуф таваллудининг 65 йиллиги нишонланди

26 апрель юртимизда ўзининг одми, содда, лекин фалсафага тўла шеърлари билан халқ қалбига ўрнашган Ўзбекистон халқ шоири Муҳаммад Юсуф таваллуд топган кун сифатида нишонланади.

Кеча эрта тонгда Андижон шаҳридаги Муҳаммад Юсуф хиёбонига Ўзбекистон Ёзувчилар уюшмаси вакиллари, атоқли адиб ва шоирлар, қўшни республиклардан келган меҳмонлар, водий вилоятларида фаолият юритаётган ижод мактаблари тарбияланувчилари, кенг жамоатчилик вакиллари йиғилдилар.

Тадбирда Андижон вилояти ҳокими Шуҳратбек Абдураҳмонов, Ўзбекистон халқ шоирлари Усмон Азим ва Маҳмуд Тоир сўз олди. 

Ёш, умидли ижодкорлар ўз ижод намуналаридан ўқиб беришди. Тадбирлар шоир туғилиб улғайган Марҳамат туманининг Қовунчи қишлоғида давом этди.