«Шаҳардаги Раҳматуллаев деган ш***л, и***сни касал қилиб ўлдираман! 20 йилга қамайман. Ўтган йили «Нодирабегим» паркига президентимиздан сўраб пул олганман. Кеча разбор қиляпман, пул ҳам йўқ, қурувчи ҳам йўқ. Еб, ютиб, Туркияга қочиб кетган, и***с. Ҳозир биз тутдириб обкелдик буёққа.
48та машинани ахлат [ташиш] учун деб оберганмиз, 16тасини ишлатишяпти, қолганини шағал ташишга чиқариб юборибди, и***с. Ахлат эса тўпланиб кетяпти. Усмонов деган генерал ҳокимлигида (собиқ милиция генерали Аҳмаджон Усмонов 2006-2013 йилларда Андижон вилояти ҳокими бўлган – таҳр.) мен қишлоқ хўжалиги бўйича ўринбосар эдим. 15 кунда бир марта қишлоқ хўжалиги техникаларини обкелиб шаҳар ичидан ахлатларни ташитардим. Бу ** секин-секин шунга обкелмоқчи бўляпти-да! Жонини суғуриб оламан и***сларни. Шаҳардан ким қатнашаётган бўлса кечаси билан ўтқазиб қўйдим ҳаммасини, қамаб. Ўтирасан и***с, дедим. Маҳалла комитет олдига битта машина, битта шофёр, битта ахлатчи — иккита болани маҳаллага боғлаб қўясан, и***с, қани бир қадам силжиб кўрсин, онангни Учқўрғондан кўрсатаман!
Қайсидир туманларда электр энергиясидан муаммо йўқ. Эртага қиш келади яна. Тадбиркор бўл, деяпмиз. Тадбиркор бўлиш учун биринчи нима керак? Ер керак, бино керак, электр керак, сув керак, йўл керак. Қишда 50 фоиз свет бўлмайди десак қиладими у? Қилмайди-да. Мана турибди, мутахассис ноинсофлар, и***с. Калласи ишламайди.
Кеча вазири келиб, менга айтяпти у ҳам. «Шуҳрат ака, ҳисоб-китобини берсангиз, сизга қанча электр энергияси керак?». Менда ҳам бор сизларда бор калла. Электрнинг вазири мен қаёқдан биламан, деб менга савол беряпти. Т***йми у? Иложи йўқ, ҳамма электросетни тўплаб, тадбиркорларнинг рўйхатини қилишни буюрдим. Қишда қанча электр энергияси керак бўлишини ҳисоблатдим. Янги пайдо бўлаётган тадбиркорлик субъектига қанча керак бўлиши. Учинчидан, ишламай турган 2135та ХБКга ўхшаган объектлар ўша пайтлар қанча қувват истеъмол қилганини ҳисобла — чиқади. Шунга ақли етмаяпти бу фаросати йўқларнинг. Ё ақли етмаяпти, ё атай қиляпти», деган ҳоким.
Шуҳрат Абдураҳмонов Наманган вилоятига келиб чиқишига кўра ўзбекистонлик бўлган миллиардер Алишер Усмонов катта маблағ ажратгани, Андижонда эса бундай пулларсиз катта ишлар қилинаётгани ҳақида гапирган.
Мавзуга оид
«Андижондаги 2135та бўш турган объектни вилоятдан комиссия қилиб, ДХХ, прокуратура, ИИБ, солиқ ва бошқа бало-баттарлардан 16та гуруҳ қилиб, 16та туманга жўнатиб, элаб чиқдим. Андижондаги вазиятни ҳозир президент ҳам билади. Андижонга ёрдам қил, бўш турган объектларни [ишлайдиганларга] обер, деб турибди. Кеча Шаҳрихоннинг ҳокимидан ана шу 2135та объектдан сенинг туманингда нечтаси деб сўрасам — билмаяпти! Билмаяпти, и***с, т***й! Одаммас, э**к у! Булар билан мен қандай қилиб ишлайман? Бутун республика кўчиб келиб ҳозир менга ёрдам беряпти. Ҳоким эса ўзидаги 167та объектдан бехабар, менда 51та деяпти. Ана аҳвол!
Мен учун эмас, Андижон учун ишла. Эй и***с, нима деб сасияпсан Андижон ҳақида? Ана қўшни вилоятларга ўтиб кел. Алишер Усмонов деган миллиардер Наманганда туғилган экан. Наманганнинг туманларини обод қилишга 50 миллион доллар пул берди. Андижонлик қайси и***с менга бир сўм пул бериб қўйяпти? Энди бориб Наманганда 50 млн долларга у нима қиляпти-ю, бир сўмсиз Андижон нима қиляпти, солиштириб кўр!», дейди вилоят ҳокими.
Шундан сўнг у соғлиқни сақлаш вазири Алишер Шодмонов ва вилоят соғлиқни сақлаш бошқармаси бошлиғи Авазбек Абдураҳмоновни ҳақоратлаган.
«Нимага мен билан маслаҳат қилмайсан? Қурувчи и***с ўйин қиляпти, нимага айтишмайсан? Вазирчанг менга хат ёзибди. Республика раҳбаринг хат ёзибди, и***с. Ким у ш***л менга? «Сиз, дейди, қарамабсиз, марказимизни президентимизнинг топшириғи билан қилувдик», дейди. У қилибди экан, и***с! «Биз қилаётган нарсани қурувчингиз сифатсиз бажаряпти, тўғрилатиб қўйинг», дейди. Ким ўзи у и***с?! Нега менга бунақа хат қилдиряпсан, эй сен, м***з, л***а, облздравнинг бошлиғи, и***с?
Сенинг нимадан хабаринг бор ўзи, айтгин? Касалдан хабаринг бўлмаса, ундан хабаринг бўлмаса? Анави м***с, вазирчанг, и***с, кеча менга кеволиб, кетимга пахта қўйиб, ўзи Андижондан чиққан, бош прокурорга хат киргизибди: «Шприцни ўтказяпти, тендер қилмасдан, перчаткани (резина қўлқоп – таҳр.) ўтказяпти», деб. Сен м***зсан, дудкасан! Сенинг бошингни ейман, и***с. Отасига раҳмат, бош прокурор (селектор йиғилиши 9 июнда ўтганидан собиқ бош прокурор Отабек Муродов назарда тутилмоқда — таҳр.) менга «манави вазир билан гаплашиб олинг, бунақа хат қиляпти», деб айтди. Мен шприцни катта холамникига олиб кетяпманми?
Шприцнинг нимасига эътироз қиляпти? Сифатсизлигигами? Сен медик сифатида айт-чи, нимаси сифатсиз унинг? Нега сифатли нарсани сифатсиз, деяпсан, юр ҳокимнинг олдига деб айтмадинг? **! Икки томонга ўйнаяпсан сен, и***с. Тилингни узиб олиб, к****га тиқиб қўяман сен м***знинг ҳали. Сен ҳ*****к мен билан ўйнашяпсан. Лекин эшитиб ол: бугун менинг қўлимда ҳокимият! Жонингни суғуриб оламан сен и***сларни!
Тошкентдаги битта и***с бир ердан импорт қилиб олиб келяпти шприцни. Унинг тепасида 15-20 фоиздан ҳаммаси ўтирибди. Уларнинг ризқи қирқилди-да, энди. Мен у ёққа пул ўтказмаяпман. Ўзимникини оламан, деяпман. Шприцни олдига ташлаб қўйдим. Ҳамма главврачларни тўплаганман. Манави олифталарни. Умримда бормаган касалхонангга бордимми? Мана шприц, мана перчатка дедим. Сифатига, нархига эътирозинг бўлса айтинглар, дедим. Биттанг тишингнинг оқини кўрсатишмадинг. Ўша шприц чиқарадиган заводда 150 одам ишлаяпти. У завод менга солиқ тўлаяпти. У тадбиркор бечора пул сарфлади, завод обкелди. Унга ёрдам бермасам, уни қўлламасам эртага ўлади, куяди, банкрот бўлади. Нега мен тошкентлик икки и****нинг дудкасига ўйнаб, унинг шприцини олишим керак? Пул меники бўлса, халқ меники бўлса! Бу **ларнинг ана шунга кети куйиб, ана шу дудкага қўшилиб ўйнаб, бунинг идорасида тўпланиб олиб роса хат қилишган. Эълон қилаётган айбини қаранг: ҳоким сифатсиз нарсани ўтказяпти. Ие? Нимаси сифатсиз? Бўйнимга қўйиб бер мени, м***з!
Мен ўша прокуратурага ёзган хатини сенинг ******* ***** ******** ********. Вазирингга ҳам айтдим буни. Бургут қушни мисол қилиб бердим. Эй, Алишер Қаюмович! Бургут қуш учади учади битта жойда айланади. Шу ерда туғилганман, шу ердан чиққанман, деб. «Эй, Шуҳрат ака, ундоқ-бундоқ», деб кетди менга пахтани қўйиб. Уёғда секин Бош прокуратурага менинг устимдан хат киргизворибди. Сифатсиз нарсани ўтказишяпти, деб. Мана!
Бор йўқол, ҳозир Тошкентга чиқиб кетгин-да, ана шу гапингнинг уддасидан чиқиб келолсанг келасан. Бўлмаса ана шу ёқда йўқолиб кет, кўзимга кўринма! Худога шукр, прокуратура ҳам бугун биз билан. Ёмонликка олганида текширарди. Бош прокуроримиз (собиқ бош прокурор - таҳр.) бугун менинг меҳнатимни билиб турибди. Сенлар нималарни ўйлашаётганингни улар ҳам билиб туришибди», деган вилоят ҳокими вилоят соғлиқни сақлаш бошқармаси бошлиғига.
Ҳоким шундан сўнг «Нодирабегим» парки қурилиши билан боғлиқ вазият ҳақида гапирган.
«Республика Миллий банки бизда қуриладиган «Нодирабегим» боғи қурилиши учун банкнинг Шайхонтоҳур туман филиали орқали пул берармиш. Нега менинг ўзимга бермайди пулни? Шайхонтоҳурдаги тўртта ҳ*****к … кетигача тилла, узук тақиб олган. Ҳаммаёғига узук тақиб олган одам *******-да энди. Менинг олдимга келишди. Мен «Ўзимда қурувчи бор, нега менга Тошкентдан етаклаб келяпсан?» дедим. «Шуҳрат ака, биласизми, булар жаннат қилади, булар шуғулланган, Тошкентдаги паркларни фалон қилган, пистон қилган», дейди. «Эртага сассиғи чиқади буни. Қўй, менга яқинлаштирмагин буларни, ўзим қилдираман», дедим. Қасам ичиб кетганди. Мана энди чиқди сассиғи. Пулни олиб туриб, 400 минг долларини шартта ечиб олган. Шартта Андижоннинг халқига берилган пулнинг 400 минг долларини еб юборишган. Оғзи очиладиганларга бериб қўйган, улар гапирмаяпти энди. Ўзи секин ишдан чиқиб кетибди. Қани ўша и***с, олиб келасан менинг олдимга, десам, «ака, улар таг-туби билан дом-дараксиз йўқ» дейишяпти. Энди ўрнига янги бўлгани «Ака энди нима қиласиз?», деб менга шарт қўйяпти, и***с. «Сен кимсан, ҳ*****к? Тупурганман сенга ўхшаган тошкентликка», дедим. «Кеча келиб қабулингизга кира олмадим», дейди. Ўтирибдими Андижонда ҳозир? «Худога шукр де, қамаб қўймаяпман. Қимирламайсан Андижондан, дедим. Токи шу «Нодирабегим» битмагунича чиқмайсан Андижондан», дедим. Қимирламай ўтиради», — деган Андижон вилояти ҳокими 9 июнь куни вилоят ташкилотлари раҳбарлари иштирокида ўтказган селектор йиғилишида.
Этика нуқтаи назаридан бошдан оёқ ҳақоратларга тўла бўлган аудиони келтирмасликка қарор қилдик.
Соғлиқни сақлаш вазири Алишер Шодмонов лавозимга 2017 йил февралида тайинланган. У 2010-2015 йилларда Андижон давлат тиббиёт институти ректори бўлиб ишлаган, 2016-2017 йилларда Ўзбекистон Республикаси Олий Мажлисининг Қонунчилик Палатаси депутати бўлган.
Соғлиқни сақлаш вазирлиги ҳозирча бу аудио юзасидан муносабат билдирмади.
Kun.uz таҳририяти Бош прокуратурадан бу масалада изоҳ сўради ва масала яқин вақтлар ичида ўрганиб чиқилиши ҳақида жавоб олди.
Қайд этиш керакки, жойларда раҳбар ходимларнинг ўз қўли остидагиларга қўпол муносабатда бўлиши, зуғум ўтказиши одатий ҳолатга айланган. Аммо вилоят ҳокими даражасидаги мансабдорнинг вазир даражасидаги ҳукумат вакилларига бундай тоқат қилиб бўлмас оҳангларда мурожаат қилиши ОАВга илк марта маълум бўлмоқда.
Очиқ маълумотларга кўра, 2018 йилнинг октябрида Андижон вилоятининг Андижон тумани ҳудудида уч хил турдаги шприц, юрак-қон томирлари касалликлари, ошқозон касалликларига қарши таблетка ва капсула кўринишидаги дори ишлаб чиқарувчи «Макрофарм Андижон» корхонаси ишга тушган. Вилоят ҳокими катта эҳтимол билан Соғлиқни сақлаш вазирига қарата мурожаатида айнан шу корхонани назарда тутган (корхона очилганида бу ерда 120 ишчи ўрни яратилгани айтилган, ҳоким эса 150 ишчи ўрни ҳақида гапирган, бу фарқ вақт туфайли бўлиши ҳам мумкин).
Бир умр аграр соҳада ишлаган вилояти ҳокими тиббиёт соҳасининг икир-чикирларини, табиийки, билмайди. Албатта, Соғлиқни сақлаш вазирлиги вакиллари ўз соҳасини вилоят ҳокимидан кўра яхшироқ тушуниши табиий ва ўз эътирозини билдиришга ҳақли. Бу биринчи навбатда аҳоли саломатлиги ва хавфсизлиги учун муҳим.
Шунингдек, унинг маҳаллийчилик қилиши (бу айниқса Наманган вилояти ҳокими Хайрулла Бозоров ва шу вилоятдан чиққан Алишер Усмонов ҳақидаги гапларида, шунингдек Тошкент шаҳридан келган мутахассислар бўйича қарашларида кўринади) расмий амалдорга умуман ярашмайдиган хунук камчиликдир.
Вилоят ҳокими ўзгаларга таҳдид қилишдан аввал мамлакат қонунчилигини қайтадан ўқиб олиши керак кўринади.
Нима бўлганда ҳам, вилоят ҳокими ўзи ўйлаётганидек ҳокимиятни қўлга олиб қўймаган. У ўзи ўйлаётганидек ҳокимият таянчи ҳам эмас, у президент таянчи ҳам эмас. Президентнинг таянчи ҳокимлар ҳам, вазирлар ҳам эмас, балки халқдир.
Андижон вилояти ҳокими Ўзбекистон Конституциясининг 7-моддасида белгиланган «Халқ давлат ҳокимиятининг бирдан бир манбаидир» деган олтин қоидани унутган кўринади.
Боз устига амалдаги тартиб бўйича вазирлар ҳам шахсан Президент томонидан лавозимга қўйилади. Хусусан, Алишер Шодмонов Соғлиқни сақлаш вазири лавозимига Шавкат Мирзиёевнинг 2017 йил 20 февралдаги ПФ-4964-сонли фармони асосида тайинланган.
Демак, вилоят ҳокими Шуҳрат Абдураҳмонов бевосита Президент тайинлаган мансабдорларни ҳақорат қилмоқда ва қўшимчасига «бугун ҳокимият менинг қўлимда» дея иддао қилмоқда.
Қизиқ, вилоят ҳокими вазирларни ҳақорат қиладиган даражадаги ҳокимиятни қаердан олди экан? Конституцияда ёки қонунларда бундай ваколат йўқ-ку? Ёки Андижонда қонунлар бошқачамикин?
