Австрияда ўтган «Формула-1» босқичи ғолиби маълум бўлди

Фото: AFP

«Red Bull» жамоаси пилоти, нидерландиялик Макс Ферстаппен «Формула-1» синфидаги машиналар иштирокидаги автопойгалар бўйича жаҳон чемпионатининг тўққизинчи босқичи — Австрия Гран-приси ғолиби бўлди.

Маррага иккинчи бўлиб «Ferrari» пилоти, монаколик Шарль Леклер етиб келди. Учинчи ўрин «Mercedes» пойгачиси, финландиялик Валттери Боттасга насиб этди.

Умумий ҳисобда британиялик Люис Ҳэмилтон 197 очко жамғарган ҳолда етакчилик қилмоқда. Иккинчи ўринда Боттас (166 очко), учинчи ўринда Ферстаппен (126 очко) бормоқда.

Конструкторлар кубогида «Mercedes» (363 очко) етакчи, иккинчи ўринда — «Ferrari» (228 очко), учинчи ўринда — «Red Bull» (169 очко).

Кейинги босқич 11–14 июль кунлари Буюк Британияда бўлиб ўтади.