«Пахтакор» Драган Черан билан шартномани янгилади

Фото: Tribuna.uz

«Пахтакор» клуби ҳужумчи Драган Черан билан ҳамкорлик бўйича янги қарорни қабул қилди.

Тошкентликлар 31 ёшли сербиялик билан 2 йиллик янги шартномани имзоладилар. Энди у 2021 йил ёзигача «Пахтакор» шарафини ҳимоя қилади.

Черан 2018 йил ёзидан бери «Пахтакор»да ўйнаяпти. Шу пайтгача у 31та ўйинда майдонга тушиб, 19та гол урган.

Футболчи фаолияти давомида Сербиянинг «Смедерево», «Железничар», «Млади Радник», Бельгиянинг «Вестерло», Исроилнинг «Хапоэль Хайфа», «Маккаби Нетания», Озарбойжоннинг «Семурғ», Саудия Арабистонининг «Аш-Шуъла», Македониянинг «Вардар» ва Ўзбекистоннинг «Насаф» клубларида ҳам ўйнаган.