Давлат статистика қўмитаси мамлакат ҳудудлардаги марказий деҳқон бозорларида 2019 йил 30 июль куни ўтказилган кузатув натижалари бўйича алоҳида турдаги озиқ-овқат маҳсулотларининг минимал-максимал нархларини эълон қилди. 

Мол гўшти (суяксиз гўштидан ташқари) 28 000 сўмдан 55 000 сўмгача (кг) 

Мол гўшти (суяксиз гўштидан ташқари) кузатув натижасига кўра, минимал нархи Нукус шаҳрининг «Нукус деҳқон бозори»да 28000 сўм кузатилди. Мол гўштини максимал нархлари эса Тошкент шаҳрининг «Фарҳод деҳқон бозори»да 55000 сўм кузатилди.

Қўй гўшти 32 000 сўмдан 58 000 сўмгача (кг) 

Қўй гўшти кузатув натижасига кўра, минимал нархлари Нукус шаҳрининг «Нукус деҳқон бозори» ва Тошкент шаҳрининг «Миробод деҳқон бозори»да 32000 сўмдан кузатилди. Максимал нархи Тошкент шаҳрининг «Миробод деҳқон бозори»да 58000 сўмдан кузатилди.

Картошка 1 000 сўмдан 5 000 сўмгача (кг) 

Картошка маҳсулотлари кузатув натижасига кўра, минимал нархлари Андижон шаҳрининг «Янгибозор деҳқон бозори», «Андижон шаҳар марказий деҳқон бозори», Навоий шаҳрининг «Саховат бозори», Фарғона шаҳарининг «Фарғона шаҳар марказий деҳқон бозори», Тошкент шаҳрининг «Эски жўва деҳқон бозори», «Фарҳод деҳқон бозори»да 1000 сўмдан кузатилди. Максимал нархи эса Тошкент шаҳрининг «Олой деҳқон бозори»да 5000 сўм кузатилди.

Пиёз 500 сўмдан 3 500 сўмгача (кг) 

Пиёз маҳсулотлари кузатув натижасига кўра, минимал нархлари Тошкент шаҳрининг «Эски жўва деҳқон бозори», «Фарҳод деҳқон бозори», «Қўйлиқ деҳқон бозори», «Миробод деҳқон бозори»да 500 сўмдан кузатилди. Максимал нархи эса Жиззах шаҳрининг «Эски шаҳар деҳқон бозори», Самарқанд шаҳрининг «Темирйўл деҳқон бозори», Термиз шаҳрининг «Термиз шаҳар озиқ-овқат бозори», «Марказий деҳқон озиқ-овқат бозори», Тошкент шаҳрининг «Олой деҳқон бозори» ва «Миробод деҳқон бозори»да 3500 сўм кузатилди.

Сабзи 1 000 сўмдан 5 000 сўмгача (кг) 

Сабзи маҳсулотлари кузатув натижасига кўра, минимал нархлари Андижон шаҳрининг «Янги бозор деҳқон бозори», Навоий шаҳрининг «Саховат бозори», Наманган шаҳрининг «Наманган чорсу деҳқон универсал бозори», Гулистон шаҳрининг «Гулистон деҳқон бозори», Фарғона шаҳрининг «Фарғона шаҳар марказий деҳқон бозори» ҳамда Тошкент шаҳрининг «Қўйлиқ деҳқон бозори»да 1000 сўмдан кузатилди. Максимал нархи эса Тошкент шаҳрининг «Олой деҳқон бозори»да 5000 сўмдан кузатилди.