Афғонистон президенти мамлакатда тинчлик ўрнатишга нима энг катта тўсиқ бўлаётганини айтди
“Толибон” ҳаракатининг зўравонликлари Афғонистонда тинчлик ўрнатилишига энг катта тўсиқ бўлмоқда, дейилади Афғонистон президенти Ашраф Ғани офисининг баёнотида.
"Ҳукумат толибларнинг афғонларга нисбатан зўравонликни кучайтириши тинчлик музокаралари йўлидаги энг катта тўсиқ бўлмоқда деб ҳисоблайди. Биз толиблар афғонларни ўлдиришни бас қилиб, ўт очишни тўхтатишганида ва Афғонистон ҳукумати билан тўғридан-тўғри музокараларга киришишганидагина ҳақиқий тинчлик ўрнатилишини мунтазам таъкидлаганмиз", - дейилади Афғонистон президенти офисининг Twitter саҳифасидаги баёнотда.
Афғонистон ҳукуматининг қайд этишича, "иттифоқчиларнинг жиддий саъй-ҳаракатлари юқори баҳоланади" ва "мамлакатда мустаҳкам тинчлик ўрнатилиши йўлида Қўшма Штатлар ҳамда бошқа ҳамкорлар билан ҳамкорлик давом этади".
Аввалроқ АҚШ президенти Дональд Трамп Кобулдаги теракт сабабли “Толибон” ҳаракати раҳбарлари ва Афғонистон президенти билан бўлажак учрашувини бекор қилганини маълум қилганди.
Мавзуга оид
23:22 / 24.09.2024
БМТ Афғонистонда аёлларга қўйилган барча чекловларни олиб ташлашни талаб қилди
19:37 / 24.09.2024
Муҳожирлардан ҳимояланиш учун: Эрон Афғонистон билан чегарада девор қурмоқда
00:28 / 19.09.2024
Дунёда бир ой ичида қарийб 50 минг кишида вабо аниқланди
19:07 / 13.09.2024