Украина ташқи ишлар вазири Зеленскийнинг Донбасс бўйича режаларини маълум қилди

Украина ташқи ишлар вазири Вадим Пристайко президент Владимир Зеленскийнинг Донбассда тинчлик ўрнатиш бўйича режаларини маълум қилди. У бу ҳақда Die Welt нашрига берган интервьюсида айтди.

«Украина президенти Владимир Зеленский келгуси олти ой ичида ҳақиқий силжишга эришишни истайди», — деди у.

Шу билан бирга у вазиятни барқарорлаштириш Украина ҳудудларини бериш эвазига амалга оширилмаслигини таъкидлади. 

«Биз Украина ҳудудларини бермаймиз ва россияликларга қизил чизиқларимиз ҳақида маълум қилганмиз», — деди у.

Пристайконинг қайд этишича, Украинанинг асосий мақсади ўз фуқароларини қайтариш ва бунга эришиш учун нодипломатик воситаларга қўл уришга ҳам тайёр.