Вазирлар Маҳкамасининг “Ўзбекистон Республикаси Вазирлар Маҳкамаси ҳузуридаги Космик тадқиқотлар ва технологиялар агентлиги фаолиятини ташкил этиш чора-тадбирлари тўғрисида”ги қарори қабул қилинди.

Ўзбекистон Республикаси Вазирлар Маҳкамаси ҳузуридаги Космик тадқиқотлар ва технологиялар агентлигининг (“Ўзбеккосмос” агентлиги) бош директорига:

зарур бўлганда, “Ўзбеккосмос” агентлигининг тузилмасига бошқарув ходимларининг белгиланган умумий сони ва меҳнатга ҳақ тўлаш фонди доирасида ўзгартиришлар киритиш;

“Ўзбеккосмос” агентлигига юкланган вазифаларни бажариш доирасида юқори малакали хорижий мутахассисларни шартнома асосида раҳбарлик лавозимларига ва маслаҳатчилар сифатида жалб этиш ҳуқуқи берилди.

Белгиланишича:

“Ўзбеккосмос” агентлиги ўз фаолиятини бошқа давлат ва хўжалик бошқаруви органларидан, маҳаллий ижро этувчи ҳокимият органларидан мустақил равишда амалга оширади ва Ўзбекистон Республикаси Вазирлар Маҳкамасига бўйсунади;

“Ўзбеккосмос” агентлигининг ходимлари меҳнатга ҳақ тўлаш шартлари бўйича Вазирлар Маҳкамасининг “Давлат ҳокимияти ва бошқаруви органлари, суд органлари ва нотариал идоралар ходимлари меҳнатига ҳақ тўлашнинг тариф сеткасини жорий этиш тўғрисида” 1996 йил 12 апрелдаги 147-сон қарорига 3-иловада кўрсатилган вазирликлар ва идоралар марказий аппарати ходимларига тенглаштирилади.

Ўзбекистон Республикаси Вазирлар Маҳкамаси ҳузуридаги Космик тадқиқотлар ва технологиялар агентлигининг юридик шахсни ташкил этмасдан бюджетдан ташқари Космик тармоқни ривожлантириш жамғармаси ташкил этилди ва қуйидагилар уни молиялаштириш манбалари сифатида назарда тутилмоқда:

халқаро молия институтлари ва бошқа институтлар, шу жумладан хорижий ташкилотларнинг грантлари;

жисмоний ва юридик шахсларнинг ҳомийлик хайриялари;

қонун ҳужжатларида тақиқланмаган бошқа манбалар.

Белгилаб қўйилишича, Жамғарма маблағларидан қуйидаги чора-тадбирларни молиялаштириш учун фойдаланилади:

“Ўзбеккосмос” агентлигига космик тармоқ объектларини, шу жумладан ташқи инфратузилма объектлари ва турар жойлар қуришни назарда тутувчи инвестиция лойиҳаларини амалга оширишга тайёрлаш бўйича ташкилий-амалий тадбирларни амалга ошириш юзасидан юкланган вазифалар самарали ҳал этилишини таъминлаш;