3 ҳафта аввал вафот этган Зимбабвенинг собиқ президенти Роберт Мугабе пойтахт Хараредан 90 км узоқликда жойлашган она қишлоғи Кутамада дафн этилди.
Маросимда марҳумнинг яқинлари иштирок этиши кўзда тутилган бўлса-да, собиқ президент билан видолашгани бир неча юзлаб одамлар келган. Маросимда ҳокимиятнинг бирор вакили иштирок этмаган.
Мугабенинг дафн этилиши борасида унинг яқинлари ва ҳокимият ўртасида баҳс юзага келган. Ҳокимият марҳумнинг Хараредаги қаҳрамонлар хиёбонида дафн этилишини истаган. Бироқ Мугабенинг яқинлари уни она қишлоғида дафн этишни талаб қилишган.
Мугабе 6 сентябрда 95 ёшида Сингапурдаги шифохонада вафот этганди. У мамлакатни 30 йил давомида бошқариб келган. 2017 йил мамлакатда юз берган ҳарбий тўнтарувдан кейин ҳокимиятдан четлатилган.
