Ҳусайн Ферейдун / Фото: AP Photo/Vahid Salemi
Эрон суди мамлакат президенти Ҳасан Руҳонийнинг укаси Ҳусайн Ферейдунни коррупция учун беш йилга озодликдан маҳрум қилди. Бу ҳақда Эрон олий суди расмий вакили Ғулом Ҳусайн Исмоилий маълум қилди.
"Ҳусайн Ферейдун беш йил муддатга озодликдан маҳрум қилинди", - дея ундан иқтибос келтирди Fars агентлиги.
Ферейдун 2017 йил июлда ҳибсга олинганди. Тергов унга нисбатан эълон қилинган айбловларнинг барча тафсилотларини маълум қилмаяпти. Ферейдун ҳибсга олинган вақтда Эрон президентининг маслаҳатчиси лавозимида эди.
